Ka Seiñ Kyntu Seiñ Raij-12 Daloi kamwa jooh man khlieh u snem, ha kani ka kynti daw pynman ko ya ka Lympung wa 24 ka wow man ko ha ka 30 wa 31 tarik uni u bnai ha chnong Rangad, East Jaiñtia Hills nadooh 10:00 waje i step.
Kamtæ da kyntu ya waroh wow wan cha kani ka Lympung neibhah wa da yohbor wow pynman ya ka na ka yung krehkaam u Deputy Commissioner East Jaiñtia Hills District.
Da kyntu leh ya ki chnat Seiñ Raij waphær waphær wow phah ya kiwa chimbynta cha ka Lympung du ya ki khynroo khyllood wa ki waheh katwa ya kiwa hapoh 10 snem wa kiwa da dap ka 65 snem chaneiñ ym chah wow wan ki.
Ya ki paidbah wa wan cha ka lympung daw leh ya ka Screening chwa wow psiah ki chapoh ka madan Lympung wei wow chong jngai ki iwi na iwi kamwa 6 phut.
Da khang pyrchah leh wow mynthu hapoh ka madan wei da khang leh wow baam kwai, duma ha ka madan wei emkaam leh wow sait-kti dei miat da i sabon wa ka um chwa wow psiah chapoh madan.
Ha ka lympung daw yoh ya ki chaad tynre, i sneiñ kyntu, wa kiwi kiwi.
Kani toh katkam ka Wyrta na u S. Sari Publicity Secretary, Seiñ Kyntu Seiñ Raij 12– Daloi.
