Ka Hynniewtrep Youth Council (HYC) Narpuh Circle lyngba u Publicity Secretary ka seiñ, u Pyndap Syiemlieh da ong wa i ood ki paidbah ka thaaiñ neidaw wa chim kabu palat kiwa yah kari kamai Local Taxi khlem da pyrkhat de yei eh yong ki paidbah khamtam ya kiwa dooh wa duk, da ktah joor ko yei lai i wan.
Da ong u leh wa ini toh nadooh wa em ka Lockdown heiwa da pynu syndet yaka bai kari kawa da cha palat pood iwa da khlem da pyrkhat de heiwa heipor chwa ka Lockdown, ka bai kari na chnong Chiehruphi chadooh Khliehriat man ko T. 50 samen tangwa mar ya em ka Lockdown da pynku syndon cha ka T. 100, heiyong sakhiat kiwa kamai kari ym toh u chim ki palat T. 60 lada kwah ki wow pynku bai kari.
Chooh chooh da ong wa najrong wa pynku bai kari, i rukom thap bru man ko kamwa thap mrad deiwa khynnia sbak, kamtæ da kyrpaad ya kiwa kamai kari wa ym toh wow chim kabu ya kiwa lai wa wan.
Hajrong ini, ka seiñ da lai yachem ko yaki sahep sorkar wa pait ya ini deiwa kyntu leh yaki paidbah wym toh u su T. 100 yaka bai kari na Khliehriat cha Chiehruphi ter ter lada em kiwa chim palat pood.
