Kiwa boon ki seiñ kwah ki wow yachem ya u montri ki kaam pohyung ka ri, u Amit Shah heipor wa wan u cha Shillong heiyatoh wa i pynkrehkaam noh ya ka Inner Line Permit (ILP) tangwa katkam wa man kattæ ympu tikna wow yachem u weiyi weiyi wot ya ki heh ka sorkar MDA.
U Montri Rangbah ka Jylla, u Conrad K Sangma da ong u wa em ki seiñbhalang kiwa da thoh cha u Chief Secretary wow paan por u yachem wa u Shah, wei neiliang ka sorkar jylla da phah ko yeini cha ka Ministry of Home Affairs (MHA), wei katkam wa ong u Conrad wa man u (Amit Shah) uwa smat wow yaklam wa kiwon kiwon ki seiñ wei ye u wow pynlait por wow yachem wa ki.
Heijooh i por da ong u wa ka sorkar MDA da chimkhia bha ko ya kani ka phang dawa ILP lada nujor wa kiwi ki sorkar kiwa rim.
Da ong u wow yoh ya ka ILP toh iwa chimpor bha neibhah wa emkaam u syllok wa ka sorkar pyrdi hadooh wa yoh ya ka ILP wei wa ha ka 23 tarik ka sorlar MDA daw yaklam biang ko yeini wa u Shah.
