Ka seiñ Meghalaya People United Front MPUF-Khliehriat Circle ynne ka sngi da lai e yarap ko ya kawi ka manyung kawa iñ i yung yong ki iwa em haka chnong Moolamanoh, East Jaiñtia Hills, deiwa e da u khoo wa kiwi tawon ki tiar wa emkaam neidaw wa da baam lut i diñ ya waroh kani ka yung iwa mantre da ka Teilang Dkhar.
Ya ini i e yarap da yahkhmat da u Sanjoy Bareh uwa man leh u President ka Khliehriat Circle, u Vice President ka Khliehriat Circle u Bantei Suklaiñ deiwa synrang lang leh u General Secretary ka MPUF-EJHD u Kmenlang Siangshai deilang wa kiwi de ki dkhot.
Ha kani ka sngi da emlang leh u waheh chnong kani ka chnong u Dras Siangshai uwa da e leh ya ki kyntien pyn-eh daw yaka seiñ yow yoh ko dei chait dei nang wow nang ye chooh chooh ko wow e yarap cha kiwi manyung kiwa chem yei eh ha iwon iwon i bynta ha waroh ka jylla Meghalaya.
