Ka TUR wa ka Workers Power Meghalaya da khyrngiat ki wow tip yei yap kiwa khih mylla ha i thaw tih mooyong wa em ha thaaiñ Rymbai, East Jaiñtia Hills iwa pynyoo wa i tih mooyong tooh dang pteiñ i ha ka jylla.
Ini pynyoo che i kdar yei emkti ki heh spah mooyong hei wow pteiñ yei tih mooyong tooh wei ini ymye i wow man lada ym em i kti ki heh sorkar.
Da beiñ joor leh yeini i jooh deiwa dawa wow thung da ka dhab takit wa laitlooid wei da kyrpaad leh ya ka yung kasari wow phah takit yeini.
Heijooh i por ka TUR da phah ko leh ya ki kyntien wyrai wa ki kyntien pyntngen cha kiwa hayung yong kiwa dooh yei mynsien yong ki ha ini i jia.
Da dawa ko leh wow pynchitom ya ki heh sorkar kiwa emkti wow elaad wow leh ya kini ki kaam pyrchah aiñ.
