Ynnin ka sngi ka 22 tarik, ki 7 tylli ki chnong yong ka thaaiñ Umladang, West Jaiñtia Hills da yoh ki wow jied wei wow pynskem ya kiwa kitkaam wa pura yong kiwa kamai kari kawa tip kam ka 7 Shnong Drivers Association Tourist Taxi.
Ha chwa wow pynskem ya kiwa kitkaam wa pura yong ka Association, da em ka yalang wa tbian ha Umladang Government Primary School, deiwa bood ya ki kyndon yong ka sorkar. Ha kani ka yalang da jied ya kini kiwa kitkaam ha wah:
President– Kmenlang Sariang
Vice President– Lawrence Shadap
Secretary– Winterborn Challam
Assistant Secretary– Eladmitre Suting
Treasurer– Ricky Sohtun
Chairman– Datam U Ki Suting, deilang wa 30 ngut ki dkhot.
U Paila Kordor Lyngkot, uwa man u President yong ka All Jaiñtia Tourist & Commercial Vehicle Association (Central Body) da man u kam u kongsan ha kani ka sngi, heiwa hachwa wow pynskem ya kini kiwa kitkaam wa pura da e u ya ki kyntien snieñ yow pynchlur ya ka Association, wa kam kiwa kitkaam wa thymme emkaam u man ki ki bru kiwa ya maya iwi ya iwi, kiwa ya sñiawthooh yumut, kiwa ya tylli ha iwon iwon i eh, khnang yow ye u chakri rap bha ya kiwa chong kari.
Heiyatoh won wa kiwa yah kari da ong u wa kam kiwa yah kari, man ki kiwa pynpoi thaw ya ki bru na iwi i thaw cha iwi, kamtæ emkaam wow man ki kitæ kiwa yah kari kiwa man ryntih, wa emakor khnang wow yoh yei chaniah na kiwa chong kari, emkaam leh u man ki kiwa burom ya i kaam kamai kari neibhah kani man ko ka kaam kamai ja-kpoh yong ki.
Kiwi tawon kiwa klam ha kani ka yalang toh u Datam U Ki Suting, u Maphilos Lamin, u Wil Dkhar wa u President wa thymme u Kmenlang Suting wa u Secretary wa thymme u Winterborn Challam.
