Ynne ka sngi hadien wa i thmu wow yaklam wa u Montri ki Kaam Pohyung ka ri, u Amit Shah da sepai i, neiliang ki seiñbhalang da lai yachem noh ki wa u montri rangbah ka jylla, u Conrad K Sangma.
Neiliang u Chairman ka CoMSO, u Robertjune Kharjahrin da pynsñiaw u yei sñiawsih deiwa ong wa ka CoMSO ym chong kli-kti ko tangwa daw pteiñ ko yei yakhih deiwa rap khlan.
Da ong u leh wa i dawa da man i iwa slem wei deiwa kyrchaan ki paidbah da ye wow pynbor ya ka sorkar jylla wow wanrah ya ka Resolution wow dawa pynkrehkaam ya ka ILP.
Heiyatoh wa i leh u Amit Shah deiwa ym kheiñkor wei wow pynslem wow e ya ka ILP, neiliang u Kharjahrin da ong u wa ini i leh da pynsñiawsih i ya waroh wei hanla kattæ leh ym dooh mynsien ki wei u pynjoor ki yei yakhih ha ki sngi wow wan, deiwa pynrap leh wa i leh u Amit Shah ym ktah i ya ka jylla.
