Ka sorkar jylla da ujor FIR ko wei da thung ko leh ya ka kynhun takit hajrong i jia wa yap 6 ngut kiwa tih moooyong haka 21 tarik ha i thaw wa tip kam i Sorkari, Deinshalu kawa em ha East Jaiñtia Hills District.
Hawa klam ynne ka sngi, u Montri Rangbah ka jylla, u Conrad K Sangma da pyntip u wa hadooh katni, ki pulit da rah ki ya 17 ngut ki bru wow takit hajrong itai iwa jia wei ki pulit ki dang thooh ki leh ya kiwi yow takit bniah.
Hawa kylli hajrong i tih mooyong pyrchah yaka aiñ, u Conrad da ong u wa ka aiñ da em ko wow pynchitom ya kiwa leh pyrchah, wei katkam ka aiñ MMDR Act, lada chem ya ki bru kiwa tih mooyong pyrchah yaka aiñ, daw kset 5 snem ha phatok wei ka sorkar daw leh ko da iwa eh ya kiwa leh pyrchah yaka aiñ.
