Ka seiñ SBYWA da dawa ko na ka sorkar wow chna pynmiat (Repair) noh ya u sarok Rymbai-Bataw-Borkhat Road (RBBR) wa da sih da jæd ware u katni nadooh na Rymbai chadooh Borkhat-Kwator heiwa da booh u hei eh i khoo wa khroo ya ki paidbah yong ka thaaiñ khapood khamtam hei kjut hei chitom.
U President ka SBYWA, u S. Shadap, da ong u wa neiliang ka Association da dep e ko ya ka chithi ha u MLA ka Khliehriat wa cha ka chnat PWD Khliehriat ha u snem 2019-20 wow dawa chna pynmiat ya uni u sarok tangwa hadooh kattæ leh ym pu em u chimkhia ki katwa kamtæ sa shisien da kyntu ko ya ka chnat PWD wow leh noh yeiwa emkaam khnang wow pynsuk ya ki paidbah ka thaaiñ.
Heijooh i por ka Association da kyntu ko leh ya ki ar ngut ki MLA ka thaaiñ wa kynthup ya u MLA ka Khliehriat, u K. Shylla wa u MLA ka Saipung-Sutnga, u S. Pale wow chimkhia ki wow yaklam neibynta wow pynmiat ya uni u sarok Rymbai-Bataw-Borkhat neibynta ki paidbah wow pynsuk ya ki hei lai i wan.
