Ynne ka sngi da man ko ka sngi wa sah kynmoo heiwa uwi na u manpa na Panaliar, Jowai uwa jooh man leh kam u sahep ka chnat MeECL (uwa da chong-ngiah) da yoh u yei naam wa le ha i yakob chondur (Photography Competition) hajrong ka phang wa ong “Pride of Shillong: Cherry Blossoms”.
Ya kani ka yakob da pynman da ka yung krehkaam ka Rotary Club of Shillong chirup wa ka Directorate of Information and Public Relations ka sorkar jylla heiwa da wan chimbynta da ki 85 ngut kiwa chondur kiwa da tyrwa hadooh 170 tylli ki dur wa da chon ki..
Ynne ka sngi heipor wa pynbna ya i pyrtuid kiwa jop, ka M War Nongbri, Secretary, Information and Public Relations Department da man ko kam ka kongsan katwa u BS Sohliya, Director of Information and Public Relations da man u kam u symbood kongsan hei emlam kiwa kitkaam wa ki dkhot ka Rotary Club of Shillong wa kiwi kiwi.
Ha kani ka yakob da jop da u Debraj Debbarma heiwa u Henry B Nongrum da yoh u yei naam wa ar wei da pynbood won ki ar ngut kiwa yoh yei naam wa le kiwa kynthup ya u Leeno Shylla wa u Dondor War Tariang.
Neiliang ka M War Nongbri da ekhublei ko ya kiwa chimbynta ha kani ka yakob kamjooh leh ya kiwa jop ha ka dei yooluti wow pynman ya kani ka yakob man ka lympung Cherry Blossom Festival.
Kiwi kiwa da klam ha kani ka sngi toh u BS Sohliya, Director of Information and Public Relations wa ka A Paul kawa man kam ka President Rotary Club of Shillong.
I dur wa chon u Leeno Shylla
