Ynne ka sngi haka lehkmen yaka Republic Day da ki bor District ka East Jaiñtia Hills District, da pynkup burom yaka chnong Moolamylliang dei naam Cleanest Village Award 2021 hapoh ka yakob Cleanliness Village Competition, 2020 kawa da pynman hapoh ka District Swachh Bharat Mission Grameen ka East Jaiñtia Hills.
Ya kani ka Award da ekti cha ka chnong Moolamylliang da u Montri sorkar wa pait yaka chnat PHE, u Renikton L Tongkhar uwa man leh kam u kongsan hei emlang leh u Deputy Commissioner, East Jaiñtia Hills, u E. Kharmalki deilang wa kiwi ki heh sorkar.
Kam wow pynkynmoo wa ka chnong Moolamylliang toh kawi na ki chnong kawa da pynmim biang yaka deiwa thung chiboon ki dieñ waroh soodong ka chnong nadooh u snem 2014 wei iwa pteiñ hadooh katni kamjooh leh wow pynneh yei khooid i suba.
