U Admiral (Retd) D K Joshi, u Lieutenant Governor ka Andaman and Nicobar Islands, ynne ka sngi da kaweh lama u yaki Electric Bus kiwa em 40 tylli kiwa da chna daka National Thermal Power Corporation (NTPC) Vidyut Vyapar Nigam Limited (NVVN Limited), kawa mantre 100% daka NTPC Limited, ka Company sorkar hapoh ka Ministry of Power ka sorkar India.
I wanrah wow pynemkaam da ki Bus wa pynemkaam da i bordiñ hapoh kani ka Union Territory daw yarap ko u pynduna yei tdem wa mih naki kari kamjooh wow yoh ya ki kari kamai paidbah kiwa miat wa bha neibynta waroh.
Nalor kani ka kaam wa da pynkrehkaam ha Andaman, ka NVVN da jop ko leh yei thong kreh wow pynbiang 90 tylli ki Electric Buse ha Bengaluru hapoh ka Smart City Project wei kini ki Bus daw pynpoi ki cha ki thaw wa ym ye ka NAMMA Metro Network u poi.
Ka NVVN da chna, da pynkhreh ko yow pynbiang ya ki kari wym pynmih iyi iyi leh i tdem (Zero Emission). Yow pynchlur yei jied ki bru daki kari wa pynemkaam bordiñ, ka NVVN da pynkrheh ko leh yaki thaw Charge yaki kari ha kiwa boon ki sor ka ri.
