Ka East Jaiñtia National Council (EJNC)-Khliehriat West Unit, hadien wa ka seiñ da yoh ko ya i ujor na u Vesper Lamare, uwa chong chnong ka Khliehriat West, wa i thaw ri syiar yong oo wa em marjan waka Community Health Centre (CHC) Khliehriat, man-i-por ki syiar yong oo yap ki na i daw yong ka um wa jakhlia kawa wan kooid naka CHC cha i thaw ri syiar yong oo, wei ini da jia i nadooh wa oor i kynroh yong ka Khliehriat CHC.
Ka seiñ hawa lai pait ko ya ini da chem ko i thaw ri syiar toh iwa dap da ka um wa tngit, wa sma wei da chem leh ya chiboon tylli ki syiar wa yap ha katai ka sngi.
Kamtæ neiliang ka seiñ haka 21 tarik uni u bnai da lai booh ko dei thoh cha kiwa pynlai yong Khliehriat, CHC yow dawa naka CHC wow su ko yei bai lutsan u Vespar Lamare.
Heiwa neiliang ka Medical Superintendent kani ka CHC da kyntait ko yei dawa ka seiñ.
Kamtæ ynne 27 tarik da lai yachem ka seiñ ya u DMHO ka East Jaiñtia Hills heiwa da kular u wow phah tuklar da ki Doctor ka AH&Vety yow pyntikna yei daw wa yap ki syiar lada toh na ka um tngit lane naka Bird Flu.
Chooh chooh u DMHO da kular u wa hadien wa dep yei takit wei lada chem wa toh neidaw ka um jakhlia wa wan naka CHC, daw su yaka bai lutsan u tre syiar.
