Na ka T. 12,351 klur; T. 91 klur u yoh ka Meghalaya neibynta ki RLB

Ka Department of Expenditure, Ministry of Finance da pynlait ko ya ka poisa wa  T. 12,351.5 klur cha ki 18 tylli ki jylla ka ri wow yarap ya ki Rural Local Bodies (RLB) kiwa tip leh kam ki Panchayati Raj wei kani ka poisa toh ka 2nd Instalment yong u Financial Year 2020-21. 

Ya kani ka poisa da e cha ki 18 jylla kiwa da e ya ka Utilisation Certificate yong ka First Instalment cha ka Ministry of Panchayati Raj. 

Ka poisa ya ki RLB toh katkam i tyrwa (Recommendation) ka 15th Finance Commission wow yarap poisa ya ki RLB neibynta ki chnong, Block wa District. 

Kani ka poisa ye u pynemkaam ya ka hei wow chna dooid, ki paikhana wow lait nei lai mihlait cha khloo namo Open Defecation Free (ODF), i saam um dih, wow pynlang ya ka um-slap (Rain Water Harvesting) wa kiwi kiwi. 

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Chooh chooh kani ka poisa cha ki RLB u man i leh kam chibynta i yarap ka sorkar pyrdi ya ki sorkar jylla wow pynjanai ya ki kreh ya ki Scheme ka sorkar pyrdi kam ka Swachh Bharat, ka Jal Jeevan Mission wa kiwi kiwi. 

Ki sorkar jylla toh u phah (Transfer) ki ya ka poisa cha ki RLB hapoh 10 sngi nadooh wa yoh ya ka poisa na ka sorkar pyrdi. 

Ka poisa wa da yoh da ka jylla Meghalaya ha kani ka kynti man ko T. 91 klur. 

Ka bhah wa yoh ki jylla yaka Rural Local Bodies Grants 2020-21 hei klur tyngka man ki kamni ha wah: