Ka RESCUE Mission da sdang ya ka ynne da u DC ka East Jaiñtia Hills, u E. Kharmalki, ha ka Conference Room ka yung krehkaam yong oo, heiwa da pynlait leh ya ka Video wa e pyrtuid “A Healthy Mother, A Healthy Baby” deiwa emlang u Dr. D. Shylla, District Medical & Health Officer ka District waka Dr. E.L. Kharmutee, District Immunization Officer, In-charge East Jaiñtia Hills District, Khliehriat.
Ini i Video pynyoo i kammon wow yada ya ki manbei wa ki khonboo.
I krehkaam ka Mission toh wow boddien ya i por wa sdang pun-khon namo Antenatal Care (ANC), i tista i lai pynyoo Doctor, wei wow booddien ya ki manbei kiwa pun-khon kiwa daw kha chwa ka soo bnai wei wow ya krehkaam lang waki ASHA, kiwa pynkha khon ka chnong kiwa da chah sikai deiwa yong rim, kiwa da yoh yei sikai wa thymme, ki ANM, ki Doctor, CDPO wa BDO.
U E. Kharmalki hawa e yei klam da ban joor u yei emkaam wow kha khon ha ki thaw sumaar wow yada ya ki manbei wa i khonboo, wei emkaam leh wow pynsñiawthooh ya i emkaam wow pynjngai ya i por wa pun-khon, i pyrkhat neibynta ka manyung wei wow pynduna yei pun-khon dang khian rta.
Ki Village Health, Sanitation and Nutrition Committee (VHSNC), Self-Help Group (SHG) wa ki waheh chnong ye ki leh wow pynkhlan khrehkaam ya ini i kaam hapoh ka District, da ong u Kharmalki.
