Ynne ka sngi u MLA ka 2 Jowai u Wailadmiki Shylla chirup wa ki sahep ka chnat PWD nadooh u Chief Engineer ka PWD (Building), u Assistant Chief Architect ka chnat, u Executive Engineer ka chnat, u Deputy Commissioner ka West Jaiñtia Hills da lai pait ki ya i thaw ha PWD Compound, Ladthadlaboh, Jowai yei thaw wa da thmu wow chna ya ka Mini Secretariat.
Hadien ini da pyntikna wow chna ya kani ka Mini Secretariat ha ini hi i thaw.
Hawa yaklam wa u Wailadmiki, da pyntikna u yeini wei da ong u wa hadien ini daw chong pyrkhat u DC wa ki sahep yong ka chnat wa kiwi ki chnat leh kamjooh heiyatoh wa ini i thmu.
Chooh chooh heiyatoh wa i dur namo i Design yong kani ka Mini Secretariat, neiliang u Wailadmiki da ong u wa ya ka Design daw chna hadien wa da rai heiwon u em næ u chong ki chnat wei hadien itæ yow chna ya i dur.
Da pynrap u leh deiwa ong wa hadien wa chna ya ka Plan daw ye u antaad katwon u lut wow chna ya kani ka Mini Secretariat.
