Kat dang lai i por ka sorkar jylla Meghalaya leh da yaleh ko wow wanrah ya i kylla kam wow bood ya ki rukom krehkaam wa i man i long ha kiwi ki jylla wa ki sorbah ka ri.
Ynne ka sngi ka dhab ki montri ka sorkar jylla da rai ko wow booh ya i dukan dai kiad namo ka Wine Store hapoh ka Umroi Airport deiwa pynkylla ya ki kyndon ka Meghalaya Excise Rules deiwa krehlang wa ka Airport Authority of India deiwa e yaka Off waka On License iwa mut wa ye u chong dih kamjooh wow dai yow rah.
Yeini da pyntip da u symbood montri ka jylla, u Prestone Tynsong ynne ka sngi hadien wa kut kani ka yalang.
Heijooh i por u Tynsong da ong u wa ka Cabinet da pdiang ko leh ya ka Draft Meghalaya Electric Vehicle Policy, 2020 wei ya kani u pynkrehkaam noh nadooh ka 1 April, 2021.
