Ynne ka sngi ka yung krehkaam u DM&HO West Jaiñtia Hills da pynman ko ya ka Sparsh Leprosy Awareness Campaign 2021 hapoh ka phang “The Last War Against Leprosy” namo i yakhun pyrchah ya ka Nianglyngkut kawa man hapoh ka National Leprosy Eradication Programme.
Ya kani ka yalang da pynman ha Urban Primary Health Centre Loomkyrwiang heiwa u District Medical & Health Officer, West Jaiñtia Hills, Jowai u Dr. KC Ajar da pyntip u wa katkam wa man katni ym em de wa chah ktah ha u Nianglyngkut hapoh ka District.
Ka Dr. R. Passah, Medical & Health Officer yong ka Urban Primary Health Centre da e ko ya ki kyntien pdiang burom heiwa ka Dr. Helen J Uriah, I/c National Leprosy Eradication Programme (NLEP) da e ko ya ki kyntien lamphrang.
U Deputy Commissioner ka District, u Garod LNS Dykes da yahkhmat u wow e ya ki kyntien kular namo ka Pledge wow pyndooh ya kani ka kjut.
Da kyntu u leh wa ymhoi wow yoo beiñ ya kiwa yoh kjut Nianglyngkut wei da kyntu u ya waroh wow yarap wow sumaar ya ki nadooh mynsien.
Heijooh i por da kyntu u ya ki Asha wow wan ki chaphrang wow chim ya i dawai yada COVID-19 neibhah wa lada kiwa kreh ha i chait i khiah artatien ki wow chim ya i dawai kammon ki bru paidbah u pyrkhat ki neibhah emkaam wow yada ym du ya ki tangwa ya ka yung ka sem leh kamjooh.
Ha kani ka sngi da yoh ya i klam na u Waheh Chnong ka Loomkyrwiang, u Hamewon Laloo wa ki kyntien khublei na u Arnest Rymbai, NMA.
