Ka Khliehriat Block Congress Committee (KBCC) hapoh i yahkhmat u President u Deibormi Syad deiwa synran lang kiwa yahkhmat ka Meghalaya Pradesh Mahila Congress Committee (MPMC) seiñbei Shillong da lai yachem ki ya u DM&HO ka East Jaiñtia Hills u Dr. D. Shylla yow e dorkhat cha ka sorkar hajrong i eh wa ka chnat i chait i khiah yachem ko hawa yatoh wa i pynsmat wow pynku kyrdan ya ka CHC Khliehriat cha ka kyrdan Civil Hospital ka thaaiñ.
Da pynsñiaw yei khynnia wa i eh wa ka CHC Khliehriat yachem ko na i por cha i por neidaw wa duna wei yow thung bru wakreh iwa da man sakhiat iwa khia wot cha ki PHC wa Sub-Centre yong ka thaaiñ.
Neiliang u DM&HO da kular u wow chimkhia ya ini i kaam wei wow booddien waka sorkar yei duna khnang wow suk kiwa chong chnong ka thaaiñ East Jaiñtia Hills.
Hadien wa yachem wa u DM&HO da lai yachem leh wa ki bor ka District u S. Syiemlieh, ADC yow chimkhia lang wow boddien yei pynku kyrdan yaka Khliehriat CHC cha ka Civil Hospital. Neiliang yong u ADC da mynjur u wow booddien ya ini i kaam wa emkaam khnang wa kiwa kjut wa chitom ym hap ki wow lai cha Shillong næ Jowai yow chim dawai næ wow phah sumaar.
Da pynsñiaw leh yeiwa emkaam wow booh yaka Blood Bank haka District khnang wa haki por wa emkaam daw ye u pynbiang ya kiwa emkaam.
