U Kisan Bareh uwa na ka chnong Jalaphet Sutnga, East Jaiñtia Hills District uwa kreh ha ka yung krehkaam Tornado Security Agency Shillong wei uwa yalehke na ka Club Ferdy School Of Martial Arts and The Revolution MMA da rah u yei naam jop ha i yalehke Mixed Martial Arts.
Kani ka lympung toh kawa da pynman ha Guwahati, Assam wei da pynlai ya ka da ka Bidang MMA and Fitness Gym ha ka 31 Duyatra (January) 2021.
U Kisan da rah u yei naam jop ha ka kyrdan Feather Weight Category 66kg deiwa pynrem ya u Angel De Barma na ka Combat Academy Nagaland, lyngba ka Judge’s Split Decision.
Neiliang ka Club Ferdy School of Martial Arts and The Revolution Mixed Martial Arts da ekhublei ko ya u Director yong kani ka Office Tornado Security Agency Shillong, hapoh i pait u Arnold Lanong uwa da chah wei e mynsien ya u Kisan Bareh wow lai chimbynta ha kani ka lympung.
Ka Club FSOMA and The Revolution MMA da kitbok ko ya u Kisan wow dang ku u chaphrang ha ki kaam yong oo.
