Kam chibynta wow e mynsien wei wow wanrah yei kylla wei ka yaleh pyrchah yei kjut Cancer, da kynmoo warom yaka World Cancer Day hajrong ka phang “I Am and I Will”, kawa pynman ynne ka sngi ha Civil Hospital, Shillong. Yaka yalang da pynman daka State NCD Cell, District NCD Cell waka Department of Oncology, Civil Hospital.
Hawa e yei klam, u Dr. S.S. Nongbri, Joint Director of Health Services (MCH and FW) cum State Nodal Officer NPCDCS da ban joor u yei emkaam wow chem smat yei kjut. Deiwa ong wa 90% i kjut Cancer toh iwa ye u pynchait, da kyntu u leh yaki paidbah wa ym toh u chah yahbkla wei toh u wan ki chakhmat yow phah pait wei lada chem smat yei kjut ye wow pynchait waroh.
Da khana u leh wa i sumaar Cancer ha Civil Hospital toh iwa mynkna, kamtæ da kyntu u ya kiwa chitom wym toh u dooh mynsien ki wei wow bood tista yei summar, wei da yooluti u wa deiwa pynkhlan yei pynsñiawthooh paidbah wei i pynkylla yei rukom im deiwa thymme, deiwa myllien da iwa bha daw ye u yaleh pyrchah yei Cancer. Da pyntip u leh wa ka Cancer Foundation of India daw booh ko da ki Cancer Screening Centres hapoh ka jylla yow myntoi ki paidbah.
Katkam ka yukheiñ ka PBCR ha u 2014, East Khasi Hills District em ko heiwa 3 na ki chynrang katwa ki kynthai da em ki hei wa 11 hapoh ka ri kiwa yoh Cancer kiwa yatoh ki jait Cancer wa mih na u duma (tobacco related cancers) katwa da yoh nyngkong ki jait Cancer wa yatoh wa u cha’oh, i khlieh wa u rdang.
Ha kani ka sngi da yoh leh yei klam na kitu kiwa da jop yei Cancer deiwa chah sumaar ha Civil Hospital. Da e sñiawbha leh cha kitu kiwa dang chah sumaar katni.
Kiwi de kiwa klam toh ka Dr. Anisha Mawlong, Specialists, i/c Oncology department, Civil Hospital, Shillong wa u Dr. Robert Marak, District Nodal, NPCDCS, East Khasi Hills District.
