Kam chibynta wow bood yaka hukum sorkar, u District Magistrate ka West Jaiñtia Hills da pynbna u wa da chah ya kini ki kaam ha wah hapoh ka District wow sdang biang ki:
- I krehkaam waroh ki Hostel neibynta kiwa lai puræ deiwa bood yaki kyndon ki SOP wa pynmih daka Education Department ka sorkar Meghalaya.
- I wai ki Crèche yong ki bru samen deiwa bood yaki SOP wa pynmih neibynta ki Aganwadi Centre da ka Social Welfare Department ka sorkar Meghalaya.
- Ki yalehke Sports hapoh ki skur deiwa bood yaki kyndon SOP wa pynmih da ka Sports and Youth Affairs Department ka sorkar Meghalaya.
- I pynman won yaki Fete, ki yakob khwe, ki pynkhle nasib, Youth Week, ki kaam pynmih poisa namo ki Fundraising Activity toh u pynman deiwa bood ya ki kyndon ka Social Distancing.
- Da chah leh wow wai mula mala ki skur neibynta ki Class I hadooh V ha ki thaw wa em cha sor deiwa bood yaki kyndon SOP wa pynmih daka chnat Education Department ka sorkar Meghalaya.
Chooh chooh, neidaw wa i long i man hapoh ka jylla da sdang bha sdang miat i, kamtæ da chah chooh chooh ya kini ki kaam ha wah:
- Hapoh ki thaw maneblai da chah wow em ki bru hadooh 75% na iwa e u em.
- Ki bru wa ye u em ha ki yalang yong niam, yong chnong kamjooh kiwa pynman da ki bru samen da pynu cha 75% wa ye ki bru em heithaw wa pynman.
- Ha ki yaleh Sports wa pynman cha lait, ki paidbah wa wan paitke da chah wow em ki 75% ha ki thaw chong paitke.
- I khang ya ki khynnah wa em hapoh 10 snem wow mih ki cha lait leh da pyndam ki deiwa emlang ki wa ki bei ki pa yong ki tangwa ya kiwa da heh rta, ki kynthai wa punkhon da sneiñ yaki wow man ki kiwa husiar manda mih ki cha lait.
- Ki yung krehkaam ki yong ki bru samen kiwa ym toh ki yung sorkar da chah wow krehkaam ki deiwa em ki wakreh 100%.
Da pynkynmoo leh yaki paidbah wa hanla kiwa dang yoh ya u COVID-19 da duna ki, ym toh wow kheiñstiñ yow ye u jop syndon ya kani ka khlam. Wei da chem leh wa ym toh waroh ki bru wa bood yaki kyndon wei ini i leh khalær ye ko wow wanrah yei ku biang kiwa yoh COVID-19.
Da phah leh ya waroh wow deiñ Mask, u bood yaka Social Distancing deiwa yajngai 6 phut, u tymmoh yei ktien wa i khmut hawa ka’oh wa synrieh, u sait bha yaki kti daka um wa i sabon, ym toh wow mynthu haki thaw paidbah wei kiwa leh pyrchah daw chah pynchitom ki deilang waka kuna katkam ka kyndon Section 51 (b) ka Disaster Management Act, 2005.
