Ki khynroo Adventist ka North East Adventist University, ynnin ka sngi da pynman ki yaka pynsñiawthooh paidbah hajrong i emkaam wow e snam sñiawbha kamjooh da pynman leh yaka e snam sñiawbha (Awareness cum blood donation camp) ha North East Adventist University Campus, Khliehtyrshi.
Neiliang ka Jowai Civil Hospital Blood Bank, Panaliar, da yahkhmat da ka Dr. P. Shylla kiwa da leh ya iwa emkaam hei da em 39 ngut kiwa wan chakhmat wow e snam wei da jied ya 19 ngut kiwa kynthup ya 16 ngut ki chynrang wa 3 ngut ki kynthai.
Ka Dr. P. Shylla kawa man leh kam ka In-charge Blood Bank Civil Hospital Jowai, hawa e yei klam yong ka da pynche ko ya kiwa emlang yei emkaam wow e sñiawbha yei snam deiwa yaroh leh yaki khynroo khyllood ka Adventist ka NEAU yei pteiñ ki wow leh ya ini man-i-por.
Da emlang ha kani ka sngi Dr. P. Bhaggien, Vice Chancellor ka North East Adventist University, ki wakreh wa kiwa lai puræ ka NEAU.
