Ki paidbah wa chong kari kamai man-ka-sngi yow lai cha Ladrymbai cha Khliehriat da chem chitom ki neidaw wa chim kabu kiwa kamai Khliehriat deiwa pynku bai kari ar chah na iwa jooh.
Hawa pyntip cha u Wyrta, da ong wa hadien wa ka sorkar da pynbna ko wa da hoi wow thap bru kam nachwa itæ chwa ka Lockdown heipor wa i dor Petrol man i T. 73 chi liter da chim ki T. 70 samen ka bai kari hadooh Khliehriat, katni won da ku i Petrol T. 91 chi liter da chim ki T. 130 samen na Jowai cha Khliehriat.
Kamtæ da ong ki wa ku dor i Petrol kamwa T. 20, ka bai kari won samen da ku hadooh T. 60 na iwa jooh chim ki.
Chooh chooh da pyntip wa manda kylli na kiwa kamai, da jubab ki wa da yoh bor na u DC tangwa manda paan ya ki kot ki sla yow pynsakhiat ya ini i yoh bor pynku dor ym pynyoo ki. Kamtæ da ong wa ini i leh toh khlem pyrkhat ya ki paidbah iwa da leh ki para Association iwa da man kamwa lute yaki paidbah kiwa lai man-ka-sngi.
Kiwa chong kari da kdaw ki leh yeiwa ong kiwa kamai kari wa toh u thap bru ki 4 ngut na Stand wei da man leh i daw wa pynku dor, tangwa mar ya palat na Stand da thap bur ki hadooh 6 ngut katwa i dor won da chim deiwa syad hi.
