U Prime Minister ka ri u Narendra Modi daw lai hiar u cha ka jylla Assam wa West Bengal haka 7 tarik uni u bnai. Heipor 11:45 i step u Prime Minister daw booh u ya u mooyurim ki artylli ki Hospital wei wow wai yaka ‘Asom Mala’, ka thong krehkaam neibynta ki State Highway wa ki District Roads, ha Dhekiajuli, Sonitpur District, Assam. Hadien ini heipor 4:50 PM i janmiet daw booh mooyurim u yak i kaam pynroi ha Haldia, West Bengal.
Ha West Bengal
U Prime Minister daw wai u ya u LPG Import Terminal wa chna da ka Bharat Petroleum Corporation Limited iwa da chna hei lut wa T. 1100 klur uwa ye wow rah 1 Million Metric Tonne chi snem. Wei ini daw pyndap ko yeiwa emkaam LPG ha West Bengal kamjooh kiwi ki jylla ka thaaiñ East wa North-East India.
U Prime Minister daw wai u leh ya u 348 Km Dobhi-Durgapur Natural Gas Pipeline Section, iwa man leh kam chibynta ka Pradhan Mantri Urja Ganga Project. Wei man ko leh kam uwi na ki moomær yow poi cha ka thong ‘One Nation, One Gas Grid’. Ini toh iwa chna deiwa lut T. 2400 klur.
U Prime Minister daw booh u leh ya u mooyurim ka Catalytic-Isodewaxing Unit wa ar ka Haldia Refinery ka Indian Oil Corporation.
U Prime Minister daw wai u leh yaka 4 Lane ROB-cum-Flyover ha Ranichak, Haldia ha NH 41 kawa da chna hei dor T. 190 klur.
Ha Assam
U Prime Minister daw wai u yaka ‘Asom Mala’, kawa man ka thong krehkaam yow chna pynbha pynmiat yaki State Highway wa ki Major District Road ka jylla. Daw booh mooyurim u leh ya ki artylli ki Medical College wa ki Hospital kiwa daw chna ha Biswanath wa Charaideo, hei lut wa T. 1100 klur. Kini ki Hospital daw em ki mar 500 tylli ki thaw thiah wa 100 tylli ki MBBS Seat.
