Ka seiñ Hynniewtrep Youth Council (HYC) Laskein Block Circle da lai yachem ko ya u DC ka West Jaiñtia Hills ynne ka sngi wow dawa khut pynman noh ya ka Written Test yong ki kyrdan kreh (Post) DSC Grade-III yeiwa da pynbna nadooh u snem 2017.
Ha ini i yachem, neiliang u DC ka District da pyntip u wa i daw wa slem wow pynman ya ka Exam toh wa neidaw wa ka yung krehkaam yong oo ym em ko ya ka yung paidbah namo ka Hall wa paka neidaw boon ki wow thoh ya ka Exam.
Katwa kamtæ da hap thooh ya ki skur wa ki College wow pynman ya ka wei kamjooh leh u snem wa dadep da chah pynthut bha i kaam neidaw wa em ka khlam COVID-19.
Heijooh i por ka seiñ da ban joor ko na u DC wow pynman smat noh ya ka Exam neibhah wa boon ki khynnah kynroo khyllood wa da angnood wow yakhun ya ka.
Kani man ko katkam ka Wyrta na u Kularskhem Sariang uwa man leh kam u Publicity Secretary ka seiñ.
