Da leh warom yaka lyngkhooh sngi yap wa 156 u Kiri Dolloi Dhar

Ynne ka sngi, ka Seinraij Shangpung da yoh ko wow leh warom yaka lyngkhooh sngi yap wa 159 snem yong u Kiri Dolloi Dhar ha Lummukut, Shangpung.

Ha kani ka sngi da emlang leh u Dolloi ka Shangpung Elaka, u MDC ka thaaiñ u J. Treilang Suchiang, kiwa yahkhmat ka Seinraij Shangpung, ki dkhot ka Khasi Students Union Shangpung Unit wa kiwi kiwi kiwa pawkhmat ka thaaiñ.

Da yoh leh i klam na u Dolloi ka Shangpung Elaka u Chanki Langbang, u Phrang Papang, President ka KSU Shangpung Unit, kiwa yahkhmat ka Seinraij Shangpung wa kiwi kiwa da kynmoo tympang yaki kaam wa bha wa chlur u Khlawait Kiri Dolloi Dhar uwa da chah pynyap haki chipai pharæng ha ka 05-02-1862.

Da em leh ka yakob phet pyllah Marathon heipor step nadooh na Ialip hadooh Lummukut i thaw wa em u Mot Sahnaam yong u Woh Kiri Dolloi Dhar kam i dak sahkynmoo ya utai u khlawait ka thaaiñ. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha kani ka Marathon da ya chimbynta da ki khynnah, ki khynroo wa ki waheh ka chnong.

Da em leh i booh syntu ya utai u khlawait da ki waheh ka Seinraij Shangpung, U Dolloi, u Acting Dolloi, u Waheh Chnong ka Shangpung Pohshnong u Richardson Rabon, ka KSU Shangpung Unit wa kiwi ki seiñbhalang.

Da pynphooh pynphieñ ya kani ka yalang da ki chaad tynre naki khynroo ka chnong wa i chaad Pastieh naki waheh ka Khadar Nor.

Ha kani ka sngi neiliang ka KSU Shangpung Unit da e sñiawbha ko leh da ki Dustbin cha ka Seiñraij Shangpung.