Ynnin ka 6 tarik, heipor janmiet u In-Charge ka Tapadarengchi OGC (Operation Group Centre) East Garo Hills da yoh yutip u wa ki paidbah da kem ki ya uwi u bru ya uwa da suba ki toh u damok uwa rahbor yaki bru wei da sdang ki oo u dat ha Tapa Bazaar.
Mar tip ya ini, ki bor pulit da hiar ki cha ini i thaw wow pynlait ya uni u bru wei da kit ya oo cha Resubelpara CHC wow yoh u yei sumaar.
Hadien ini da sdang poor ka yutip hajrong ini, wei ki paidbah da hiar ki cha Tapadarengchi OGC heipor kamwa 9:30 i miet wei da dawa ki wow ekti ya uni u bru ha ki deiwa sdang u pynawri wei wow tympiah tympra yei kær pood wa ya ka Tapadarengchi OGC kamjooh.
Wow lait na i chah tympiah tympra chooh chooh, ki pulit da hap ki wow siat cha suiñ yow beh ya kini ki bru.
Ha ini i jia ym em wa mynsoo ha Tapadarengchi OGC, wei da phah chooh chooh ya ki pulit kamjooh ki pulit SF-10 Commandos.
Neiliang ki pulit da kem ki 2 ya ar ngut ki bru wei da register ki leh ar tylli ki Case.
Ki pulit ka jylla neipor cheipor kyntu ki ya ki paidbah ymtoh u ngait ki ya ki khubor hamsaya wei wow chim ya ka aiñ ha kti.
