Da u Chandame Sungoh
Ya ka slabhah da booh da bynta,
Kam ka Latuthiñ wa phooh wa tyrha;
Tangwa ya nga khlem poi pyrkhat,
Du chiteiñ por duk u ya khlaad!
Wan pho cheini cha pyrthai,
Du chiteiñ por ya nga wow pynkmen;
Smat liwan pho cha khmat u Blai,
Tæ ieh pho nga kamni samen!
Salubon, i maya i yong i,
Kam i diñ hapyrdi wa rahi:
Syndet wan tymmoh i doom i langoh,
Khlaad pho cha lyndet ki la’oh!
Sep-ai ka synjat ka sakhi,
Sep-ai ka khadu ka sahkti!
Wym hasa O u jia kamni,
Wow ieh pho nga du chibet sngi!
Ini donhi u ong ya pha,
Rest In Peace, mo wa maya!
Kyrkhu won ya nga na dwar u Blai,
Kat dang sah O heini ha pyrthai!
Yow sah i naam chi rta,
U mot ya pha nga wa chna:
Yow sah kynmoo ho’u nood yong nga,
Ya pha Salubon wa maya!
Related posts
Sñiawsih O da wiar wei yong bru,
Wan paw pho ha nga hei rangu!
Kam ki Angel, hei riam khooid riam lieh,
Pyntngen pho ya nga “Ham sñiawsih”
Kyntien Blai wa klam pho na bneiñ,
Ya nga wow pyntngen wei wow sneiñ;
Ha pyrthai wow im miat im bha,
Ha bneiñ wow im suk kylla rta.
