Ka District Magistrate, East Khasi Hills da yoh ujor u wa boon ki tre kari da pynemkaam ki ya ki horn wa da khang pyrchah (banned air horn) wei da pyndait ya ki Silencer wa da chna pynkylla ha ki kari yong ki iwa man pyrchah ya ka rai ka NGT katkam ka Noise Pollution (Regulation and Control) Rules.
Da chem leh wa boon ki kari ha Shillong da leh pyrchah ki ya ini khamtam wow pynkieh horn khlem myntoi.
Kamtæ ka District Magistrate da pynkrehkaam ko da ka Section 144 CrPC wow khang ya ini i pynemkaam ya kini ki horn, wow dai ya ki tanghæng tem sur wa ye u pynheh khlem pood (sale of public audio systems without sound limiters), wow pynkieh horn ha ki Silence Zones (ymtoh u em hapoh 100 meter na ki thaw sumaar, thaw puræ, yung maneblai) wow pynkieh horn hei miet nadooh 10:00 waje hadooh 6:00 i step ha ki thaw sah paidbah lait na i daw wa emkaam jhan (Emergency), i pynkieh horn wa khlem sangeh da ki kari kit jhep katkam ka Section 179(1), 190(2) wa 194F yong ka Motor Vehicle (Amendment) Act, 2019.
Ya kiwa leh pyrchah ya ini daw pynchitom katkam ka Section 188 IPC.
