Kam chibynta wow pynkhlan yei yatoh lok, yei sñiaw yajan ka Dima Hasao wa ka West Jaiñtia Hills District, ynne ka sngi da pynman yaka yaleh bol “Friendly Football Match” hapyrdi kini ki arliang.
Ya ini i yalehke da pynman ha Umrangso, Dima Hasao hapyrdi ki District Executive Force ki ar chnat pulit heiwa ki pulit ka West Jaiñtia Hills da jop ki da 3-0 ya ki pulit ka Dima Hasao.
Neiliang u SP ka West Jaiñtia Hills District da pyntip u wa ini u man ko kam u moo rana yow pynyajan, yow wanrah yei chongsuk chong saaiñ hapyrdi kini ki District ka Meghalaya wa Assam.
