Ki BSF wa em ha Huroi, East Jaiñtia Hills District ynnin ka sngi da yoh ki wow kem ya u mator wa da dep thaad kiwa da song hapoh churia wei ini i mar wa da yoh kem da chong dor i T. 6 lak.
Ha iwi tawon i liang, ka Assam Rifles waka Manipur Police da yoh ki wow kem ya i drug Heroin wa chongdor T. 30 lak na Imphal East District wa i Brown Sugar wa chongdor T. 2 klur na Bishnupur District, Manipur. Ya i drug wa kiwa dai da ekti cha ki pulit.
Ki Assam Rifles ha Mizoram won da yoh kem ki ya u kwai wa da chalan tooh wa chongdor T. 46 lak najan i chnong Zokhawathar, Champhai District haka 6 tarik katwa haka 5 tarik won da yoh biang wow kem ya u kwai wa da chalan tooh hajan ka chnong Sesih, Champai District wa chong dor T. 85 lak iwa da ekti cha ka chnat Customs.
Haka 4 tatik won, ki Assam Rifles da yoh ki wow kem ya u dkhot ka ZUF (J) na thaaiñ Marangching Part IV ka Noney District, Manipur uwa da ekti cha ki pulit.
