Kam chibynta wow tipmit noh ya i rukom thaiñ that wa da myllien nadooh ki por warim da ki bru ri-loom ka jylla khamtam kiwa kiwa em ha Umden-Diwon, ka sorkar Meghalaya lyngba ka chnat Textiles daw pynbna noh ko yaka Umden-Diwon kawa em hapoh Raid Nongtluh ki wow man kam ki Eri Silk Villages kiwa nyngkong dooh hapoh ka jylla iwa daw pynbna haka 12 tarik uni u bnai iwa ya sariem wa ka Hai An Silk Village wa em Vietnam kamjooh ka Sualkuchi kawa em ha Assam.
Ka Umden-Diwon toh kawa mahajon ym du haka riti dustur kamjooh ki that, i soodong wa miat, kiwa pynkupbor yaki kynthai heiwa ka chnong ka thaw toh kiwa da dap da ki kor thaiñ that wa ki kpær ri khñiang ryndia.
Kini ki chnong toh kiwa pynmih ya u Ahimsa Peace Silk, ki rong leh toh kiwa da chna da iwa e hi da ka rymaw wei ki that wa pynmih ki toh kiwa da chna bniah bha wei da man leh ka Umden-Diwon kam ki chnong wa khlan pynmih that heiwa da em ki 70% ki bru kiwa thaiñ that kiwa kreh bait du ha ini i kaam.
Kini ki chnong da taan ki leh ya kiwa boon ki bru chemphang wow leh yei thooh bniah neidaw wa da pynmih ki yaki mar deiwa pynemkaam bait da iwa da e ka bei rymaw.
