Ka Jaintia Youth Federation da e ko yei kyrchaan wa pura ya ka MJACCV hajrong i dawa wow pynhiar ya i dor phiang kari iwa ku cha wa palat hadooh wa da ktah ko yei lai i wan yong waroh ki paaid ka jylla.
Ka seiñ da ong ko wa i suki hi-eh ka sorkar MDA kawa yahkhmat da ka NPP daw booh ko yei eh wa khroo ya kiwa boon wa lang kiwa emkaam yei chakri ki kari kamai khamtam ya ki bru wa dooh kiwa hap wow lai kreh cha ki thaw wa rap jngai wei kamjooh leh ya ki khynnah skur.
Ka seiñ ka kyntu joor ko ya ka sorkar jylla wow pynhiar yei dor phiang kari khlem da boohteiñ de khnang wa waroh ini i eh wa ki yaleh u kut noh ki neibhah wa waroh da maad yei dooh nong wa khroo ha u snem wa da lai nei wan ka khlam COVID-19 wei katni sa kani ka khlam phniang iwa ym tip de wa daw yah ko cheiwon yei mynried ka jylla.
Chooh chooh ka seiñ ka sñiaw ko wa i pynhiar dor ka sorkar ya i phiang du ar tyngka toh du wow pynbiej ya ki paidbah wei ym sñiaw yahap, lada ka sorkar kwah ko u chakri hok, toh u ap ko yei sur ki paidbah, pynkut ka kyrwoh na u S. Pajuh, General Secretary.
