U montri khynnah ka sorkar pyrdi wa pait ya ka Development of North Eastern Region (DoNER), MoS PMO, Personnel, Public Grievances, Pensions, Atomic Energy and Space, u Dr. Jitendra Singh da ong u wa waroh ki jylla ka thaaiñ mihsngi (North-Eastern States) da pynyabi ya ki lyngba i suiñ, rel, ki sarok wa i lai i wan na ki um ki wah namo Inland Waterways.
Ya ini da ong u montri ha Rajya Sabha hajrong ki kaam pynroi wa da leh ha ka thaaiñ.
Da pyntip u wa ki kaam wa khroo wa da leh ha kini ki 2 snem kynthup ko ya ka Pakyong Airport (Sikkim), Rupsi Airport (Assam); Lumding- Hojai Rail Line Doubling Project (45 Km) ha Assam; 300 MW Kameng wa 110 MW Pare Hydro Power ha Arunachal Pradesh; ICP ha Moreh wa 1819 km u sarok hapoh ki jylla ka thaaiñ North East.
Chooh chooh da ong u wa hapoh ka North Eastern States Roads Investment Programme (Externally Aided Project), da chna wei da pynmiat ya ki le tylli ki sarok kitæ Kalitakuchi-Barpeta 58.5 km, Tamulpur-Paneri 43 km wa Paneri-Udalgiri 18.4 km wa 5 tylli ki yingkieñ ha Assam wa u sarok Garobada-Dalu 93.4 km ha Meghalaya uwa dadep chna.
