Da pynku ya ka nong ki Aganwadi wa ki Asha: Irani

Ka montri ka sorkar pyrdi wa pait ya ka chnat Women and Child Development, ka Smriti Zubin Irani, ynnin da ong ko wa ka sorkar pyrdi da phah ko ya waroh ki jylla wow pynbiang ya ki tiar yada nadooh ki masks wa sanitizers wa kiwi kiwi ya kiwa kreh Anganwadi Worker, Anganwadi Helper wa ya ki ASHA ha i yakhun ya ka khlam COVID-19 ha ki jylla wa ka ri.

Da pyntip ko wa ya ki Anganwadi Worker (AWW)/Anganwadi Helper (AWH) da kynthup ya ki hapoh ki Scheme kam ka Pradhan Mantri Jeevan Jyoti Bima Yojana (PMJJBY), Pradhan Mantri Suraksha Bima Yojana (PMSBY) wa Anganwadi Karyakarti Bima Yojana (AKBY).

Da yoh yarap ki lyngba ka Female Critical Illness Benefits kawa T. 20,000 lada kjut ki wei daw e leh ya ka Scholarship cha ki khon yong ki kiwa puræ Class 9 hadooh Classs 12 wei da kynthup leh ya ki puræ ITI Course.

Kiwa kreh ASHA da pynku chooh chooh ya ka nongsngi (Incentive) sa T.1000 chi bnai hei kreh wa yatoh wa ka khlam COVID-19 wei da phah su leh ya ka yarap (Incentive) wa T. 2000 khlem khatæ iwon iwon ya ki neidaw i embynta wa khroo yong ki wow yakhun ya ka khlam COVID-19.

Related posts

Kwah u George wow psiah biang cha ka Congress yow yakhun MDC

December 23, 2024

Pynbna ka NPP sa 6 ngut ki kyrtong MDC cha ka JHADC

December 23, 2024

Hapoh ka Pradhan Mantri Garib Kalyan Package, Insurance Scheme da kdup ya waroh kiwa kreh ha i chait i khiah (Health Worker) iwa kynthup leh ya ki ASHA. Kani ka Insurance Scheme u e yarap ko hadooh T. 50 lak lada khlaad heipor ka khlam u COVID-19 namo wa bi kjut syndet na ki kaam (Duty) wa yatoh wa u COVID-19.

Ka Irani da ong ko wa ki Aganwadi Worker/Helper toh ki kreh wa dei mon samen namo ki “Honorary Workers” na ki bor chnong bor thaw kiwa tia chaphrang wow e chakri ya ka chnong la hei sumaar khynnah namo kiwi kiwi ki kaam wei ymye wow ong wa man ki kiwa kreh pura ka sorkar (Permanent Government Servant) namo ye wow thung ya ki ha kiwon kiwon ki kyrdan krehkaam.

Ki Anganwadi Worker (AWW) & Anganwadi Helpers (AWH) yoh yarap sñiawbha (Monthly Honorarium) kamwa da rai ka sorkar neipor cheipor wei ka sorkar pyrdi da rai ko wow pynku ya ka Honorium ki AWW ha ki Main-AWC na ka T. 3,000 cha ka T. 4,500 chi bnai; ki AWW ha ki Mini- AWC na ka T. 2,250 cha ka T. 3,500 chi bnai, ki AWH na ka T. 1,500 cha ka T. 2,250 chi bnai.

Chooh chooh ki sorkar jylla hajrong ini ye ki wow su tam chong won i ha ki bor yong ki jylla samen.