U Chief Secretary ka jylla u MS Rao ynne ka sngi da pynman u yaka yalang Review Meeting yow booddien yei long i man ki Scheme wa emkaam kiwa da pynkrehkaam da ki ar District kitæ ka West Jaiñtia Hills wa East Jaintia Hills kawa da pynman ha Conference Hall ka yung krehkaam u Divisional Soil & Water Conservation Officer, Jowai.
Da emlang leh u Director of Community and Rural Development u SC Sadhu, Secretary ka PHE wa Director ka JJM u C. Gotmare, u Deputy Commissioner ka West Jaiñtia Hills u Garod LSN Dykes wa u Deputy Commissioner ka East Jaiñtia Hills u E. Kharmalki.
U Chief Secretary da wan booddien u yaki Scheme wa yatoh waka Jal Jeevan Mission, Pradhan Mantri Aawas Yojana (Grameen & Urban), i chondur Aadhaar, i pynkrehkaam yaka One Nation One Ration Card, i biang ka Internet wa i pynyoh thaw yow pyndep yei kær pood.
Neiliang ki chnat sorkar da pynyoo ki yei pynkrehkaam yaki Scheme deiwa e da ki PowerPoint Presentation.
