Ka KSU Wapung Unit haka 12 tarik uni u bnai, neiliang u Vice President u Nidalut Siangshai wa u General Secretary u Shwari Ryngkhlem da lai yachem ki ya u DTO ka East Jaiñtia Hill yow e yaka ujor heiyatoh wa i ku dor bai kari cha wa palat pood na Wapung cha Jowai hadien wa da pynkrehkaam yei dor bai kari.
Ka seiñ da ong ko wa i dor chwa ka Lockdown na Wapung cha Jowai toh T. 60 tangwa katni won T. 100 wei ini i ku dor bai kari da ktah bha ko ya kiwa dooh wa duk wa ya ki khynnah skur.
Hadien wa da yoh yaklam wa u DTO da ong u wa kattæ i bai kari da man ko T. 18 chi Kilometer ya ki kari wa hoi u chong 5 ngut.
Ini da pynman ko ya ka KSU Wapung Unit wym sñiaw ye u pdiang ya kani ka bai kari wa da pynmih da ka All Jaintia Tourist & Commercial Vehicle Association da ka T. 18 chi Kilometer deiwa ong hanla ku dor i phniang leh toh u pynku bai kari kajiak yow lait u ktah ya kiwa chong kari.
Ka khubor wa da pynlait da u Public Secretary ka seiñ u Shibait Rymbai.
