Neiliang u Publicity Secretary ka seiñ ki kari kamai ha Ri-loom Jaiñtia ya kawa da tip kam ka All Jaiñtia Tourist & Commercial Vehicle Association (AJTCVA) u Mihsalan Dhar da pyntip u wa ki kari kamai hapoh Ri-loom Jaiñtia u pteiñ ki u kamai kamwa jooh.
Da ong u wa hadien wa yaklam wa u DC ka West wa East Jaiñtia Hills ha ki sngi wa dadep da chim ya ka rai wow kamai bait man-ka-sngi.
Kam wow pynkynmop heini ka Meghalaya Joint Action Committee of Commercial Vehicles (MJACCV) da rai ko wow yakhih hajrong i wym mano ka sorkar yei dawa yong ka wow pynhiar ya i dor i phniang kari deiwa kyntu wow dam u sai kari wa 48 kynta ka wow sdang nadooh i step 5:00 waje ka 15 tarik.
Neiliang u Mihsalan da kyntu u ya ki paidbah ka Ri-loom Jaiñtia wymhoi u sñiawthooh bakla ki heiwa ha East wa West Jaiñtia Hills i kamai ki kari u man i iwa lai bait kamwa da rai chwa na kini ki sngi wa dadep.
