Ka District Level Medi-Camp wa kyrpang kawa tip kam ka “Medi-Camp for My Pad My Right” da pynman yaka ynne kam chibynta ka Sanitary Pad Project ka NabFoundation ha chnong Lummuriap, Thadialong, Thadbamon da ka Jaintia Hills Development Society (JHDS) waka NABARD deiwa kyrchaan ka NabFoundation Mumbai, u DHMO, ka Barato PHC waka Sahsniang PHC.
Ya kani ka Medical Camp da pynman deilang wa ki 3 tylli ki SHG wa pait ka MSRLS wa JHDS kiwa daw chimbynta chi snem hapoh ka Sanitary Pad Project ha West Jaiñtia Hills kawa man leh du ka ka District wa chah jied na Meghalaya.
Ha kani ka Medical Camp da emlang leh u GN Kharlukhi, AGM NABARD wa u Fr. Manbha Pakem, Director JHDS.
Ka thong wa kongsan kani ka Medical Camp toh wa ha kini ki por wa em ka khlam, ym toh wow mylliñ yei chait i khiah ki kynthai, i leh khooid yong ki kamjooh yeiwa emkaam ki manda poi bnai ki.
Ki SHG daw embynta ki leh hei wow chna yaki Sanitary Pads hadien wa yoh sikai ki kamjooh ki mar wow chna yaki Sanitary Pads kiwa daw poi na uwa yoh yaka Padmashree Award u Dr. Arunachalam Muruganantham .
Ya ini i kaam ha Meghalaya wa Laskein Block daw yahkhmat da ki kynthai yow ye ki wow seiñkhih deiwa pynmih yaki Sanitary Pads wa duna dor yow yoh leh ki khynnah skur wow pynemkaam, kamjooh yow saam cha ki Angawadi kamjooh cha kiwa chong chnong.
Ini leh man ko kam chibynta wow pynsñiawthooh paidbah chaphang iwa emkaam u leh heipor wa poi bnai ki kynthai kamjooh chaphang i kjut Cervical Cancer khamtam kitu kiwa em ha ki thaw wa cha palatsor wei lyngba ini da yooluti wa daw pynku ko leh yei yoh khih ki kynthai ha Ri-loom Jaiñtia.
