Ynne ka sngi ki khon ka Niamtre kiwa chong wa sah ha ka chnong Jaiñtiapur, Bangladesh da pyndep ki ya ka lehniam Hoktoy kawa man kawi na ki lehniam kawa kyrpang yong ki.
Kani ka lehniam toh kawa da pyndep nadooh ki por warim heiwa ki khon yong ki manyung ha kam kini ki por wan ki cha yung na ki thaw wa kreh ki cha baar ka chnong wow embynta ha kani ka lehniam.
Ka lehniam Hoktoy da tip leh ya ka kam ka Siang-ja heiwa da e ngooh e dem ya ki Sangia Saret wei khlieh u snem jooh pyndep ya ka ha ki bnai Thohlakhmi (February) chwa ka pyrhaw deiwa pynchong yurim ya ki sngi wa u bnai.
Heipor wa Siang-ja da e ngooh da ki baam ki dih wa da pynkhreh kyrpang ha kiwa boon rukom, wei da pyndep ya ka da i e ngooh ya ki sangia da ki kynthai yeiwa da pynbood won sa ya u kñi ka manyung.
Da engooh leh wow yoh yei kyrkhu kyrdoh wa i yada kamjooh wow yoh ya i chait i khiah wa i man khih man khan.
