Ka Moolamylliang Social and Cultural Club deiwa ya krehlang waka yung krehkaam u Deputy Commissioner ka East Jaiñtia Hills District, ynne ka sngi da pynman ko yaka Seminar wa chi sngi hajrong ka phang “Growing Depression in the Youth” namo i ku i diaw mynsien, i dooh kyrmen ha ki khynroo khyllood.
Ki bru chemphang (Resource Persons) toh ka Nidahun P. Swer, Community Nurse, District Mental Health Program (DMHP), East Jaiñtia Hills wa u Rev. RK Sutnga, Sutnga Presbyterian Church heiwa da wan wow ya chimbynta da ki khynroo khyllood ka chnong.
Ha i bynta wa nyngkong da yoh i klam na ka Nidahun P. Swer hajrong ka phang dooh kyrmen kawa ye hadooh wow poi chei pyntkut yei mynsien yong idæ ki khynroo khyllood. Kamtæ da ong wa kam ki khynroo khyllood lada em ki yei sñiawsih, ym toh wow murieh wei wow pyntip cha ki bei ki pa yow yoh u phah yaki cha ki Counselling Centre yow yoh yei ya syllok.
Da ong ko leh wa ki bei ki pa ym toh wow pynbor ki ya ki khon wow leh iwon iwon i kaam wa ym ye ki wow leh neibhah wa ini i pynbor ye ko wow wanrah yei khuslai ha i im yong ki khon ki kti.
Ha ka bynta wa ar da yoh yei klam na u Rev. RK Sutnga hajrong i chah yah bakla ki khynroo khyllood ha ka Social Media iwa da pynman ya ki wow noh mynsien wei dooh kyrmen hei im yong ki.
Ha kani ka sngi da e leh yaka ya syllok ya ki khynroo khyllood kam ka laad yada nei dooh kyrmen hei im yong ki.
