Ka Shillong Cricket Association-A da emkaam so sa 5 Wicket yow yoh yei jop da chi Innings yaka East Khasi Hills haka Zone 1 ka Inter-District U-23 Cricket Tournament wa pynman daka Meghalaya Cricket Association ha Nongpoh ynne ka sngi.
Ka SCA-A da jop ko yaka kylla-khlem wei da jied ko wow Bat nyngkong ynne ka sngi nyngkong heiwa da kamai ko 276 Run deiwa haap lut ki Wicket ha ki 51.4 Over. U Abhishek Kumar (46) wa u Kush Agarwal (40) toh kiwa da kamai Run boon dooh, katwa u Maialang War (3/36) wa u Wankitlang Nongpluh (3/56) toh kiwa leh bha dooh kiwa kawang bol ka EKH.
U Marremdor Kharsati won daka Bat da kamai u 22 Run yaka EKH tangwa da dooh lut ko yaki Wicket deiwa kamai 76 Run, iwa mut da hap ki wow leh yaka Follow-On. U Lokesh Turaha da yoh u 6/14 katwa u Abhishek Kumar da yoh u 2/9.
Haka Innings wa ar ka EKH, hadooh wa kut ka yalehke ynne ka sngi da yoh ki 15/5, deiwa em chadien da 185 Run. U Abhishek Kumar wa u Bipin Kumar da pynkut ki deiwa yoh mar 2/0 daka bol.
