Kiwa dang yoh COVID-19 ha India da pteiñ ki wow boon ya kiwa dang chait heiwa ha kini ki 24 kynta kiwa dang yoh da em ki 16,752 ngut, kiwa dang chait 11,718 ngut, kiwa dang yap 113 ngut iwa mut wa kiwa dang em ya uni u khñiang da ku ki da 4,921 ngut.
I ku kiwa dang em ya uni u khñiang toh neidaw wa ha Maharashtra kiwa dang yoh da em ki palat ar chah ya kiwa dang chait kiwa em 8,623 ngut kiwa dang yoh wa 3,648 ngut kiwa dang chait. Kiwi ki jylla wa boon kiwa dang yoh toh ha Kerala 3,792 ngut, Punjab 593 ngut, Karnataka 523 ngut, Tamil Nadu 486 ngut wa ha Gujarat 451 ngut.
Ki jylla wa boon dooh kiwa dang chait toh ka Kerala 4,650 ngut, Maharashtra 3,648 ngut, Tamil Nadu 492 ngut, Karnataka 380 ngut, Punjab 368 ngut wa ha Gujarat 328 ngut.
Hanla em ki jylla wa ku kiwa dang yoh, da em leh 19 tylli ki jylla wym em dang yap na u COVID-19 ha kini ki 24 kynta kiwa kynthup ya ka Uttar Pradesh, Andhra Pradesh, J&K (UT), Odisha, Goa, Chandigarh, Himachal Pradesh, Assam, Lakshadweep, Manipur, Sikkim, Ladakh (UT), Mizoram, Meghalaya, Tripura, Nagaland, A&N Islands, D&D & D&N waka Arunachal Pradesh.
Waroh kiwa da chait da em ki 97.10% kiwa em 1,07,75,169 ngut, 1.48% kiwa dang em ya uni u khñiang kiwa em 1,64,511 ngut, kiwa yap 1.42% kiwa em 1,57,051 ngut. Deilang dapoi 1,10,96,731 ngut kiwa da dep yoh ya uni u khñiang hapoh ka ri.
