Ynne ka sngi u montri rangbahdooh ka ri, u Narendra Modi da chim u ya ka 1st Dose namo ka tika wa nyngkong yong i dawai yada COVID-19.
Ya ini i dawai u Modi da chim u ha All India Institute of Medical Sciences (AIIMS).
U Modi da yaroh u ya ki Doctor wa ki Scientist kiwa da kreh chitom wow pynkhlan yei yakhun pyrchah ya u COVID-19.
Da kyntu u leh ya waroh kiwa toh u yoh ya ini i dawai yada wow chim ki yeini i dawai wow pynman ya ka India kawa lait na u COVID-19.
U Modi da yoh u da i dawai COVAXIN wa chna pyn hapoh India hi da ka Bharat BioTech. Sa iwi i dawai wa pynemkaam hapoh ka ri toh i COVISHIELD wa chna da ka AstraZeneca, University of Oxford iwa pynmih daka Serum Institute of India kawa em ha Pune.
Kam wow pynkynmoo wa nadooh ynne ka sngi da sdang leh yei chim yei pyrtuid kiwa da em 60 snem i rta yow yoh ki yei dawai yada COVID-19 wa kiwa em 45-49 snem kiwa em chwa yei chitom.
