Ha ka 27 tarik u bnai wa dep, ka seiñ Hynñiewtrep Youth Council (HYC) Narpuh Circle hapoh i yahkhmat u President u Keldrim Sumer wa u General Secretary u Albinus Lyngdoh deiwa ya emlang kiwi dkhot, da lai khang yaka Amrit Cement kawa em ha ka chnong Amlaper Elaka Rymbai, East Jaiñtia Hills hajrong ka yurim wa yoh ujor na ki wakreh yong katai hi ka karkhana wa katai ka karkhana ym pu em pynkrehkaam ko yei nongsngi wa da booh daka sorkar iwa tip leh kam ka Minimum Wage.
Ha ini i lai hiar ka seiñ cha katai ka karkhana da khang yaka Gate deiwa phah mih chwa ya ki wakreh cha lait wei da pynsangeh leh yei krehkaam waroh ki chnat wa ki thaw krehkaam.
Hadien kamwa 3 kynta, poi ki heh katai ka karkhana wei da yaklam wa u Pawan Kumar uwa da kohngooh wow pynkrehkaam yaka Minimum Wage deiwa paan por chi sngi-ar sngi naka seiñ yow leh ya iyi wa phah ka seiñ, kamtæ ka seiñ hadien wa da kular katai ka karkhana deilang wa e dei thoh cha ka seiñ, da chah biang wow wai yaka karkhana.
Ka seiñ da dawa ko leh wow pynpsiah kaam chi syndon ya uwi naki wa jan chnong wa katai ka karkhana uwa da dep wow yaleh kreh da ki boon bnai uwa da phah yang chi phah yang ha katai ka karkhana.
Ka kyrwoh khubor na u Publicity Secretary ka seiñ u Pyndap Syiemlieh.
