Ka Shillong Cricket Association-A da tam ko da 74-Run yaka Shillong Cricket Association-B hawa kut ka sngi wa nyngkong haka Meghalaya Cricket Association U-23 Men’s Inter-District Tournament Zone 1 wa pynman ha Nongpoh ynne ka sngi.
Ka SCA-B da jop ko yaka kylla khlem wei da jied ko wow Bat nyngkong wei da yoh ko 180 deiwa dooh ya waroh ki Wicket na ki 42 Over hadien wa u Bipin Kumar Ray (4/29) wa u Swastik Chettri (3/42) da leh bha ki da ka bol. Tangwa u Kasim Sunn da yoh u 58 na 71 bol katwa u Biprodeep Dasgupta da yoh u 27 na 26 bol.
Hawa e yei jubab, ka SCA-A da tam ko yaka SCA-B deiwa yoh 254/4 na ki 45 Over hadooh wa kut ka yalehke. Na kiwa Bat da em 3 ngut kiwa yoh 50 Run- u Roshan Warbah (73 na 46), Aman Kumar (65 na 105) wa u Abhishek Gupta (51 na 41), katwa na kiwa kawang bol da yoh waroh ki Wicket da u Aryan Bora 4/68.
