Ka yalehke ynnin ka sngi ha ka Ram Sing Lamare Cricket Tournament 2021 wa pynman da ka Seiñraij Ummulong, da man ko hapyrdi ka 4 Mowkaiaw United pyrchah ya ka Edakani CT.
Ka yaleh da man ko kawa yoosuk bha heiwa kiwa yalehke da pynyoo ki ya jar jiar i sap yong ki tangwa hawa kut ka 4 Mowkaiaw United da man ko kwa jop da 121 Run.
Uwa yalehke wa kamai boon Run dooh na ka 4 Mowkaiaw toh u Kitbok Langdoh uwa da ye u wow kamai kamwa 66 Run, bood sa u Eleazer C Dkhar uwa da ye u kamai 53 Run.
Kiwa pakhot bol wa ye u pynhaap boon Wicket dooh toh u Markos Sumar naka Edakani CT uwa da yoh 5 Wicket katwa na ka 4 Mowkaiaw da yoh da u Manoj Raj 4 Wicket wa u Toodansan Rymbai 4 Wicket.
Myntu ka 2 tarik ka yalehke u man ko hapyrdi ka Rising Star pyrchah ya ka 4 Goal heipor 9:30 i step wa ka Loomsoiung Newhill pyrchah ya ka Loomdeiñling heipor 12:30 i pyrdi sngi.
