U Montri ka chnat bordiñ ha ka jylla, u James PK Sangma da pyntip u wa ka sorkar da hap ko wow pynkrehkaam biang yei pyndooh bordiñ namo ka Load Shedding neidaw wa sah ka poisa ha ka National Thermal Power Corporation (NTPC) kawa man T. 18 klur wei katni da hap wow pynthymme biang ya ka Letter of Credit (LC).
Ynne ka sngi ka sorkar da lum jhan ko yaka yalang yong ka Power Committee wow ya pyrkhat hajrong i pyndooh bording syndet da ka NTCP, heiwa da chim ya ka rai wa u Montri ka chnat bordiñ wow lai cha Delhi yow yaklam wa u Montri ka sorkar pyrdi wa pait ya ka Ministry of Power neibynta wow pyndam yei eh na ka jylla.
U James da ong u wa ka sorkar India da pynmih hukum ko nadooh rap nachwa wa waroh kiwa saam bordiñ namo ki Distribution Companies wa hap ki wow chna ya ka Letter of Credit wa yatoh wa ka poisa wa hap wow su cha ki Company wa pynmih bordiñ, heiwa ya ki LC hap wow phah cha ka Regional Load Dispatch Centre kawa pynbait ya i bordiñ.
Da pyntip u wa ka MeECL ka da dep ko wow phah ya ka LC cha ka NTPC kawa man T. 18 klur wei na kani ka LC, ka NTPC da khatæ noh ko ya ka poisa neibhah wa em kawa sah ka bai bordiñ, wei katni da hap wow pynthymme biang ya ka LC neibynta wow yoh biang ya i bordiñ.
U James da pynsñiaw u yei lynngoh hajrong i leh yong ka NTPC wot hawa ka tip ko wa ka sorkar jylla dang yang ko wow yohlut ya ka poisa lyngba ka Atmanirbhar Loan wow su cha ki Company bordiñ.
