Ka Ri-Bhoi da yoh ko yei thaw Final haka Zone 1 ka Inter-District U-23 Men’s Cricket Tournament deiwa jop da chi Innings wa 64 Run yaka All Jaintia Cricket Association ha Nongpoh ynne ka sngi kawa pynman daka Meghalaya Cricket Association.
Ynnin ka AJCA da yoh ko 140 All Out, heiwa ka Ri-Bhoi da jubab ko da 318 All Out, iwa pyntam ya ka da 178 Run.
Haka Innings wa ar ka AJCA ynne ka sngi, u Rejoice Passah da kamai u 44 na 53 bol, u Mewada Shylla 25 na 27 bol tangwa da haap lut ki Wicket deiwa kamai 113 Run na 35.2 Over, iwa da pynjop yaka Ri-Bhoi.
U Pratik Haritwal da lehbha u daka bol ynne ka sngi deiwa yoh 6/30, katwa u Badonnam John da yoh u 3/27 yow pynjop ya ka Ri-Bhoi.
Deiwa jop la arsien haka Group B, ka Ri-Bhoi da psiah ko cha ka Zonal Final heiwa daw yachem ki ya kiwa jop yaka Group A katæ ka Shillong Cricket Association-A. Yaka Zonal Final daw pynman haka 8-9 tarik uni u bnai ha Nongpoh. Ka SCA-A toh kiwa jop ya waroh ar ki yalehke yong ki.
Haka Zone 2, ka Final daw pynman haka 5-6 tarik uni u bnai hapyrdi ka Tura District Cricket Association A waka North Garo Hills ha Mendipathar.
